Zëdhënësi i Policisë së Kosovës, Baki Kelani, ka folur për suspendimin e dy zyrtarëve policorë për shkak të përfshirjes në aktivitete politike.
Të dielën Policia ka njoftuar për suspendimin e dy zyrtarëve policorë pasi dyshohet se janë përfshirë në aktivitete dhe komente politike gjatë fushatës parazgjedhore-balotazhi 2021, që paraqet shkelje të rëndë disiplinore.
“Menaxhmenti i Policisë së Kosovës dje ka marrë informatë se dy zyrtarë policorë kanë bërë shkelje duke u përfshirë në aktivitete politike apo komentime, që ndërlidhen me fushatë zgjedhore e me zgjedhjet që po mbahen. Sot Policia ka marrë masa të suspendimit ndaj tyre konform rregulloreve. Do të vazhdohet procedura e mëtejme”, ka thënë Kelani.
Ai ka thënë se zgjedhjet me kalimin e viteve gjithmonë po përmirësohen e po ka më pak incidente.
