Krijimi i Gjykatës Komerciale si dhe ndryshimi i ligjit për investime janë dy kërkesa nga Oda e Afarizmit të Kosovës.
Sipas tyre, këto hapa do të mundësojnë ambient më të sigurtë në të bërit biznes dhe rritjen e investimeve.
Kryetari i bordit të OAK-ut, Skëndër Krasniqi ka deklaruar se është e nevojshme që të realizohen ndryshime.
“Janë disa ligje të cilat kanë ngecur së zbatuari. Është e nevojshme të bëhet ndryshimi i Ligjit për investime, kurse ligji i kaluar për Investime Strategjike nuk pati sukses. Investitorë të huaj dhe vendor me miliarda euro synime për investime në Kosovë janë tërhequr, ndërsa me atë ligj vetëm dy-tre investitorë kanë marrë statusin investitorë strategjik” ka thënë Krasniqi.
