Në një lëvizje të papritur, Lëvizja Vetëvendosje (VV) mbajti mbledhjen e Këshillit të Përgjithshëm brenda hapësirave të Universitetit të Prishtinës (UP). Ky tubim shkaktoi reagime të ashpra, duke u kritikuar për mosrespektimin e pavarësisë institucionale të universitetit
Deputetja e zgjedhur Jehona Lushaku Sadriu shprehu shqetësimin e saj se VV nuk e kishte respektuar vendimin e UP-së, i cili ndalon aktivitetet politike dhe fetare në hapësirat e universitetit. Ajo publikoi një vendim të UP-së që ngulmonte në ndalimin e aktiviteteve politike në hapësirat e universitetit.
Megjithatë, më 7 maj, Universiteti i Prishtinës mori një vendim të ri, duke i hequr ndalimin për aktivitetet politike. Ky vendim përcakton se hapësirat e UP-së mund të përdoren nga palët e treta vetëm nëse ato lidhen drejtpërdrejt me mësimdhënien, kërkimin shkencor ose përfitime akademike dhe profesionale për stafin dhe studentët.
Po ashtu, një mundësi e dytë për përdorimin e hapësirave është lejuar gjatë fundjavës, me kusht që aktivitetet politike të mos pengojnë proceset mësimore, kërkimore ose administrative të universitetit. Megjithatë, siç theksohet në vendim, ky mundësi nuk zbatohet gjatë periudhës së fushatave zgjedhore, si lokale ashtu edhe qendrore.
