Deputetja nga radhët e Lidhjes Demokratike të Kosovës, Doarsa Kica-Xhelili ka thënë se kur Gjykata Kushtetuese siç tha ajo “shpiku” 30 ditëshin shtesë për votim nuk ishte tejkalim i normës sipas VV-së.
Kësisoj ajo ka komentuar reagimin e Lëvizjes Vetëvendosjes rreth vendimit të Gjykatës Kushtetuese, sipas të cilit deputetët duhet ta zgjedhin kryetarin dhe nënkryetarët përmes votimit të hapur.
“Dmth, kur Gjykata Kushtetuese para pak kohe “shpiku” 30 ditëshin shtesë për votim (që nuk parashihej në Kushtetutë), nuk ishte tejkalim i normës sipas VV-së.Por sot kur sipas tyre “shpiku” 3-herëshin si kufizim të nominimit, qenka”.
“Kaq për njohuritë e tyre në llojet e interpretimit që mund t’i bëjnë Gjykatat Kushtetuese, sidomos në raste të jashtëzakonshme, kur nevojitet mbrojtja e interesit publik.S’do mend – kur juristët më të mirë i kanë “ekonomistët”., shkruan ajo në një postim në Facebook.
Bazuar në vendimin që ka nxjerrë Kushtetuesja, të gjitha seancat e mbajtura nga data 27 qershor deri më 26 korrik 2025 shpallen të pavlefshme”.
