Deputetja e Lidhjes Demokratike, Doarsa Kica-Xhelili, ka thënë se është problematike që dikush nga pushteti të tejkalojë darkën për koalicione, e me iu drejtu LDK-së për takime të fshehta.
‘’Është e vërtetë që ne kemi një hendek të madh me Lëvizjen Vetëvendosje, por LDK, praktikisht ka hendek me të gjitha partitë politike në kuptimin, vleror, parimor e të orientimit ideologjik. Pikat tona përbashkuese në fund janë programore’’, është shprehur ajo në DPT te Fidani.
Ajo ndër tjera, lavdëroi Lumir Abdixhikun, kandidat për kryeministër të këtij subjekti, për të cilin përmendi specifikisht se e kreu projektin e Veternikut për tre muaj.
