Shërbimi Spitalor Klinik dhe Universitar i Kosovës ka njoftuar se në spitalet e vendit po trajtohen vetëm katër pacientë të konfirmuar me COVID-19.
Përmes një postimi në faqen zyrtare, SHSKUK’ja ka bërë me dije se në QKUK nuk ka pacientë me COVID-19 pozitivë.
“Në Shërbimin Spitalor Klinik dhe Universitar të Kosovës (ShSKUK), në trajtim janë 4 pacientë të konfirmuar me COVID-19 dhe 32 të tjerë post-COVID. Në QKUK nuk ka pacientë me COVID-19 pozitivë, po trajtohen 28 pacientë post-COVID, kurse në spitalet e përgjithshme 4 pacientë si COVID-19 pozitivë dhe 4 të tjerë post-COVID-19.
“Prej numrit të përgjithshëm të pacientëve, 9 pacientë janë me oksgjeno- terapi, kurse në Mjekimin Intensiv të Klinikës Infektive nuk ka pacientë”, thuhet në njoftim./Gazeta Enigma/
