Komiteti Olimpik i Kosovës (KOK), të martën ka prezantuar ekipin e Kosovës për të rinj që do të paraqitet në Festivalin Olimpik Evropian Veror për të Rinj (EYOF) “Banska Bistrica 2022”.
Kjo ngjarje mbahet në Sllovaki prej datës 24 deri më 30 korrik. Ekipi i Kosovës përbëhet prej 13 sportistëve, të cilët do të paraqiten në shtatë sporte të ndryshme.
Atletika prinë me tre garues, ndërsa xhudo, tenisi, badmintoni e noti, do t’i kenë nga dy. Me nga një garues në këtë ngjarje, do të prezantohen çiklizmi dhe gjimnastika artistike.
