Komandanti i KFOR-it, Gjeneral Major Enrico Barduani, është takuar sot me ambasadorin italian në Kosovë, Maurizio Antoninin.
“Sot, Komandanti i misionit KFOR të udhëhequr nga NATO, Gjeneral Major Enrico Barduani, priti në vizitë Ambasadorin e Italisë në Kosovë, Shkëlqësinë e Tij Maurizio Antoninin, në selinë e KFOR-it, në Camp Film City në Prishtinë”, thuhet në postimin e KFOR-it në Facebook.
Barduani dhe Antonini kanë folur për gjendjen e sigurisë në Kosovë dhe për përpjekjet e KFOR-it për mbështetjen e dialogut Kosovë-Serbi.
“Ata diskutuan mbi situatën e sigurisë në Kosovë dhe stabilitetin rajonal, si dhe përpjekjet e KFOR-it për të mbështetur dialogun e lehtësuar nga BE-ja midis Prishtinës dhe Beogradit, për të cilin Komandanti i KFOR-it kërkoi që të vazhdojë me një frymë të re dhe të vendosur”.
“Gjeneral Barduani gjithashtu ndau me Ambasadorin Antonini krenarinë e tij për kontributet mëdha të Italisë në KFOR”.
“Që nga viti 1999, kontingjenti italian ka qenë një simbol kyç i angazhimit të Italisë për sigurinë dhe stabilitetin ndërkombëtar në Kosovë”.
*Klikoni KËTU për t´u bërë pjesë e kanalit zyrtar të K
