Mbledhja e Komisionit Hetimor Parlamentar lidhur me procedurat për furnizimin dhe menaxhimin me rezervat shtetërore, nuk ka kaluar pa përplasje ndërmjet deputeteve të pozitës e opozitës.
Përplasja ka ndodhur ndërmjet deputetes së Lidhjes Demokratike të Kosovës, Doarsa Kica-Xhelili me deputetët e VV-së, Driton Hyseni, Halil Thaçin dhe Salih Zyben.
Deputetët e VV-së e kanë përmendur 5 marsin si datë jo të denjë për mbajtjen e kësaj mbledhje nën arsyetimin e angazhimeve që janë për shënimin e Epopesë se UÇK-së.
Deputeti Hyseni ka thënë se sot në Kuvend ka pasur seancë të veçantë kushtuar 5 marsit.
E deputetja Kica -Xhelili, reagoi në lidhje më këtë çështje duke thënë se VV-ja nuk mund të flas për këtë çështje, pasi sipas saj, ata Kosovën e shohin si shtet të përkohshëm.
“A ti mundesh me fol për këto i fundit është që mund te flet për ngjarje të tilla. A mundesh me fol për këto tema a, kur je me VV. I fundit je që mundesh me fol për 5 mars përderisa mendoni që Kosova është shtet i përkohshëm”, ka thënë ajo.
E kjo deklaratë ka bërë që deputetët e pozitës ta lëshojnë mbledhjen.
