Edhe komuna e Gjakovës ka shpallur fillimin e procesit për pranimin e kërkesave të vlerësimit të dëmeve për familjet e goditura nga vërshimet e fundit.
Sipas njoftimit zyrtar, qytetarët që kanë pësuar dëme materiale ftohen të paraqesin kërkesat e tyre në arkivin e komunës, duke përshkruar llojin e dëmit të shkaktuar.
Dokumentet e nevojshme për aplikim përfshijnë kërkesën me shkrim, kopjen e letërnjoftimit, foto-dëshmi të dëmeve të shkaktuara si dhe numrin e telefonit për kontakt.
Komuna ka bërë të ditur se afati i fundit për dorëzimin e kërkesave është data 23 janar 2026. Pas përfundimit të afatit, komisioni përkatës do të bëjë vlerësimin e të gjitha rasteve të paraqitura.
Nga Komuna e Gjakovës u bëhet thirrje qytetarëve të prekur që t’i përmbahen afatit të përcaktuar, në mënyrë që procesi i vlerësimit të zhvillohet në kohë dhe në mënyrë sa më efikase.
