Ministri i Punëve të Brendshme të Kosovës, Xhelal Sveçla, është deklaruar sot për situatën e sigurisë në veri të vendit.
Ai ndër të tjerash ka konfirmuar se natën midis 31 korrikut dhe 1 gushtit kishte grupe të armatosura dhe të uniformuara në pjesën veriore të vendit.
“Janë duke u bërë hetime. Kemi dëshmi për prezencë të grupeve të armatosura, të uniformuara, me maska në natën midisi 31 korrikut dhe një gushtit. Institucionet tona janë duke punuar për t’i identifikuar ata dhe jemi në rrugë të mirë për t’ia arritur kësaj”,deklaroi Sveçla në konferencë për media.
Ai tutje tha se është hera e parë që këtë e konfirmon edhe presidenti serb, Aleksandar Vuçiq.
“Është hera e parë që këtë e konfirmon edhe presidenti serb, Aleksandër Vuçiq, gjë të cilën ne e kemi thënë qe një kohë e që na është konfirmuara nga aleatët tanë ndërkombëtarë”.
