Policia e Kosovës ka bërë të ditur se gjatë një operacioni në Qendrën Korrektuese të Dubravës janë zbuluar dhe sekuestruar sasi të substancës së dyshuar narkotike. Sipas raportit zyrtar, kontrolli është realizuar në disa zona brenda institucionit, ku janë identifikuar materiale të ndaluara.
“Gjatë operacionit janë gjetur dhe konfiskuar 19.3 gramë substancë e dyshuar narkotike në disa lokacione brenda qendrës,” thuhet në raportin e policisë, e përcjell GazetaEnigma.
Policia njofton se hetimet lidhur me rastin janë në vazhdim për të zbuluar se si ka arritur kjo substancë në institucion dhe për të identifikuar personat e përfshirë. Autoritetet kanë konfirmuar se do të ndërmarrin masa shtesë për të forcuar sigurinë dhe për të parandaluar përsëritjen e rasteve të ngjashme në të ardhmen./GazetaEnigma/
