Koreja e Veriut thotë se nuk i ka shitur kurrë armë Rusisë dhe nuk ka plane ta bëjë këtë në të ardhmen pas raporteve me SHBA-të.
Në anën tjetër zyrtarët amerikanë kishin thënë edhe më herët se Rusia mund të blejë raketa dhe predha artilerie nga Koreja e Veriut, dhe se lëvizje të tilla, së bashku me blerjet e supozuara të armëve iraniane, treguan se sanksionet perëndimore po pengonin përpjekjet e Rusisë në luftën në Ukrainë, shkruan BBC.
Çdo lëvizje armësh midis dy vendeve do të ishte në kundërshtim me sanksionet e Kombeve të Bashkuara, ndësa të enjten, në një deklaratë të transmetuar nga media shtetërore e Koresë së Veriut, një zyrtar i paidentifikuar në ministrinë e Mbrojtjes së Koresë së Veriut tha, “Ne kurrë nuk kemi eksportuar armë ose municione në Rusi më parë dhe nuk do të planifikojmë t’i eksportojmë ato”.
Zëdhënësi i Këshillit të Sigurisë Kombëtare, John Kirby, kishte thënë se blerjet nuk ishin përfunduar ende dhe nuk kishte prova që sugjeronin se armët do të përdoreshin në luftën e Ukrainës. Ndrësa, shumë prej armëve të Koresë së Veriut të dizajnuara nga Rusia vijnë nga epoka sovjetike.
