Kryetari i Partisë Demokratike të Kosovës, Memli Krasniqi, është shprehur se e sheh si hap pozitiv takimin me të gjithë liderët e partive parlamentare te Presidentja, anipse atë s’kishte ndonjë lëvizje konkrete, në takimin e parë.
“Sot ishim në takim dhe më vjen mirë që u mbajt me iniciativën e presidentes. Dëshiroj të thekso se si PDK, qysh javën e kaluar kemi propozuar që presidentja të marrë një rol në kuadër të përgjegjësive kushtetuese që i ka, si garantuese e uniteti qytetar dhe si garantuese e funksionimit kushtetues të institucioneve”.
“Dhe ne mungesë të kësaj të dytës, kemi besuar se si e vetmja udhëheqësja e institucioneve të larta, që ka mandat legjitim do të duhej të na mblidhte. Përndryshe do të ishte e pamundur që të takoheshim të gjithë. Jo që kisha shpresa të mëdha në zgjidhje, por të ishte edhe një hap përpara”, tha Krasniqi në Dukagjin.
“Sepse nga këndvështrimi ynë si PDK, jemi munduar në çdo hap, që veprimet tona e qëndrimet tona të jenë kontribut për të dal nga kriza dhe bllokada që jemi si vend dhe jo vetëm si Kuvend”.
