Kryetari i Partisë Demokratike të Kosovës, Memli Krasniqi, e ka pritur në takim të Ngarkuarën me Punë në Ambasadën e Shteteve të Bashkuara të Amerikës, Anu Prattipati.
Në këtë takim, Krasniqi e ka theksuar nevojën që institucionet e reja të themelohen sa më shpejt.
Ai theksoi se vonesat po krijojnë pasiguri dhe po dëmtojnë funksionimin normal të shtetit.
“Si gjithmonë, ishte kënaqësi të mirëpres në takim znj. Anu Prattipati, të Ngarkuarën me Punë në Ambasadën Amerikane në Kosovë. Në frymën e diskutimit për zhvillimit aktuale, theksova nevojën që institucionet e reja të themelohen sa më parë, sepse vonesat po krijojnë pasiguri dhe po dëmtojnë funksionimin normal të shtetit. PDK do të vazhdojë të veprojë me përgjegjësi, në interes të qytetarëve, për stabilitet institucional dhe mbetet e përkushtuar për partneritet të ngushtë me Shtetet e Bashkuara dhe aleatët tanë perëndimorë”, shkroi Krasniqi.
