Kryetari i PDK-së, Memli Krasniqi, ka reaguar pas vrasjes së trefishtë në Gjilan mesditën e sotme, duke thënë se kjo është një dhembje e madhe për të gjithë.
Krasniqi tha se ky është një tjetër alarm “për pasigurinë, kriminalitetin dhe fenomenet negative që po rriten vitet e fundit në Kosovë”.
“Institucionet duhet të veprojnë shpejt për t’i sjell akterët para drejtësisë, por edhe për të rikthyer sigurinë dhe besimin e qytetarëve”, shkroi Krasniqi.
“Ngushëllimet më të sinqerta për familjet e viktimave!”, përfundoi i pari i PDK-së. /Gazeta Enigma
