I pari i Pejës, Gazmend Muhaxheri, ka reaguar pas sulmit seksual që iu bë aplinistes, Mrika Nikqit nga i dyshuari Flori Beqiraj.
Muhaxheri tha se dhuna nuk është çështje private, por çështje sociale e politike.
“Por mbi të gjitha, është krim i dënueshëm, për të cilin kërkohet reagimi i secilit prej nesh. Mrika Nikqi, ti je sportistja e dalluar, krenaria e qytetit të Pejës dhe mbarë shqiptarisë”, ka shkruar ai.
Kujtojmë se në lidhje me rastin e sulmit seksual ndaj Nikqit, policia ka arrestuar Flori Beqirajn, i cili gjendet në mbajtje për 48 orë.
