Kurti mban fjalim para studentëve në Venecia: Kosova, fener i demokracisë në Ballkan e më gjerë

Kurti mban fjalim para studentëve në Venecia: Kosova, fener i demokracisë në Ballkan e më gjerë

Kryeministri i Kosovës, Albin Kurti ka mbajtur fjalimin kryesor në ceremoninë e diplomimit në programin master, dega Të Drejtat e Njeriut dhe Demokratizim, në universitetin Global Campus of Human Rights, në qytetin e mrekullueshëm të Venecias.

Përmes një postimi në rrjetin social X, ai ka theksuar se gjatë fjalimit të tij ka përmendur  se ky fund i vitit akademik përfshin dy momente historike: “75-vjetorin e miratimit të Deklaratës Universale për të Drejtave të Njeriut, dhe hera e 20-të që studentët e programit EMA vizituan Kosovën për të mësuar nga dora e parë për përparimin e vendit tonë që nga çlirimi në vitin 1999”.

“Siç u thashë të diplomuarve, këto momente historike nuk janë të palidhura: Ashtu si Deklarata Universale e të Drejtave të Njeriut simbolizonte triumfin përfundimtar të shpirtit njerëzor mbi të këqijat e tmerrshme të kryera gjatë Luftës së Dytë Botërore dhe Holokaustit, po ashtu edhe Republika e Kosovës përfaqëson kulminacioni i një udhëtimi të jashtëzakonshëm nga thellësitë e represionit, aparteidit dhe gjenocidit në atë që jemi bërë tani: një fener i demokracisë dhe të drejtave të njeriut në Ballkanin Perëndimor dhe më gjerë”, tha ai. /Gazeta Enigma

Related Articles