Kryeministri i Kosovës, Albin Kurti, ka zhvilluar njb vizitë në Mynih të Gjermanisë, ku edhe është pritur nga mërgata shqiptare atje, raporton Gazeta “Enigma”.
Kurti në një postim në profilin e tij në Facebook ka shkruar se nga lufta për çlirim e deri te përpjekja për pavarësi, asnjëra nuk do të arrihej pa mërgatën.
“Afër 120 mijë bashkatdhetarë tanë jetojnë e punojnë në Bavari. Shumë prej tyre jetojnë mes Gjermanisë dhe Kosovës, e secili është urë bashkuese ndërmjet dy vendeve. Lidhja e fortë me vendlindjen dhe atdheun është dëshmuar vendimtare në momentet më kritike, nga lufta për çlirim e deri te përpjekja për pavarësi. As njëra e as tjetra nuk do të arrihej pa mërgatën tonë të çmueshme. Pritja madhështore në Mynih dhe interesimi i lartë për zhvillimet e progresin në vend na tregon se lidhja sa vjen e po forcohet”, shkruan i pari i qeverisë.
Kujtojmë se bashkë me Kurtin në Mynih, ishte dhe ministrja e Punëve të Jashtme dhe Diasporës, Donika Gërvalla./Gazeta Enigma/
