Kryeministri i Kosovës, Albin Kurti, edhe sot ka refuzuar të përgjigjet nëse ka pranuar ftesë të re për intervistim nga Prokuroria Speciale, raporton Gazeta “Enigma”.
I pyetur për këtë çështje, ai vetëm ka vazhduar ecjen dhe s’është përgjigjur.
Prokuroria Speciale i kishte dërguar thirrje për intervistim Albin Kurtit javën e kaluar, në cilësinë e dëshmitarit.
Sipas thirrjes, ai obligohej që të paraqitej të hënën, në orën 09:30, në objektin e Prokurorisë.
