Kryeministri i Kosovës, Albin Kurti, ka bërë një postim në llogarinë e tij në Facebook, duke i radhitur, sipas tij, veprimet që i ka ndërmarrë qeveria në vitin 2022 në drejtim të rritjes së mirëqenies së qytetarëve.
Ai përmend dy pakot mbështetëse për rreth 800 mijë qytetarë: atë për Ringjallje Ekonomike në vlerë prej 100 milionë euro dhe pakon për përballje me Inflacion në vlerë prej 150 milionë euro.
Kurti po ashtu e vuri theksin te shtesat e ndara për lehonat, fëmijët, pensionistët, punëtorët, studentët, etj.
