Për më shumë se një orë debati nëse duhet të formohet Komisioni Herimor Parlamentar për Energjinë po vazhdon në Kuvendin e Kosovës, raporton Gazeta “Enigma”.
Me këtë rast shefi i grupit parlamentar të Partia Demokratike e Kosovës, Abelard Tahiri, ka kërkuar nga të gjitha grupet parlamentare që të përkrahet mocioni procedural për formimin e komisionit hetimor parlamentar.
“Kërkojmë që gjithë grupet parlamentare ta përkrahin këtë mocion procedural, të jetë si pikë e parë e rendit të ditës, pastaj komisioni ta kryejë punën e vet”, tha ai.
Ndërkaq, shefja e grupit parlamentar të Lëvizjes Vetëvendosje, Mimoza Kusari Lila, tha se asnjëri nga deputetët e opozitës nuk mund të zgjidhet kryesues i këtij komisioni, duke qenë se janë iniciues të tij.
“Në mocionin e prezantuar nuk përmendet fakti që 40 deputetët nënshkrues janë iniciues. Kryesuesi zgjidhet nga radhët e një grupi parlamentar që nuk është iniciator i një komisioni hetimor dhe nuk i përket partisë së koalicionit qeverisës. Në rrethana aktuale pamundësohet funksionalizimi i këtij komisioni hetimor, përderisa ata janë iniciues të këtij komisioni hetimor. Me ligj asnjë nga deputetët e opozitës nuk mund të jetë kryesues i komisionit hetimor parlamentar”, tha Kusari – Lila.
Ajo tutje citoi deklaratën e para disa viteve të ish-kryetari i Kuvendit, Kadri Veseli, i cili kishte thënë se nuk mund të funksionalizohej komisioni i propozuar atëkohë nga LDK-ja dhe VV-ja.
“Prandaj në këtë rrethanë por bazuar edhe në praktikën e Kuvendi të Kosovës, më 2018, kur aso kohe Kadri Veseli tha se nuk mund të themelohet komisioni hetimor i iniciuar nga LDK-ja dhe VV-ja, pasi nuk mund të udhëhiqet nga njëri grup parlamentar që është edhe iniciues i grupit hetimor”, tha ajo/ Gazeta Enigma.
