Emisari i Bashkimit Evropian (BE) për dialogun Kosovë-Serbi, Miroslav Lajçak është takuar në Bruksel me ministrin e ri të jashtëm të Malit të ZI, Filip Ivanoviq. Para kësaj Lajçak ishte në një vizitë zyrtare në Beograd.
E për takimin me kryediplomatin e Malit të Zi, Lajçak ka thënë se ”Qeveria e Re e Malit të Zi është e fortë dhe me agjendë evropiane”.
”Përshëndeta sonte në Bruksel ministrin e ri të Malit të Zi, Filip Ivanović. I kënaqur të shoh që Mali i Zi ka një qeveri të fortë me një agjendë pro-BE në një moment vendimtar për marrëdhëniet BE-Ballkani Perëndimor. Shpresoj se Mali i Zi do ta kapë këtë vrull unik”, ka shkruar Lajçak në platformën X.
Gjashtë shtetet e Ballkanit Perëndimor nuk janë të anëtarëuara në Bashkimin Evropian.
Shpesh ka samite Ballkani Perëndimor-BE, për ta parë rrugën përpara në këtë drejtim.
