Lara Trump, paralajmëroi në mënyrë implicite guvernatorin e Floridës Ron DeSantis, që të qëndrojë larg rrugës së ish-presidentit nëse ai po mendon të nisë kandidimin e tij për Shtëpinë e Bardhë.
“Unë mendoj se Ron DeSantis është shumë i zgjuar”, tha Lara Trump për Sky News Australia.
”Shikoni, ai është një djalë i ri. Do të ketë shumë mundësi për të në të ardhmen … për të kandiduar për president”, shtoi ajo për guvernatorin 44-vjeçar, i cili u rizgjodh nga një mandat i dytë katër-vjeçar si udhëheqës i shtetit Sunshine.
Ajo sugjeroi gjithashtu se pa DeSantis në kandidim, Donald Trump do të ketë një garë të lehtë drejt nominimit, duke përqeshur sugjerimet se ai po humbiste mbështetjen nga republikanët e duke fajësuar atë për rezultate katastrofike në zgjedhjet afatmesme.
”Mund t’ju them se zgjedhjet paraprake u bënë shumë të çrregullta dhe shumë të papërpunuara. Ne e kemi përjetuar këtë më parë”, tha Lara Trump, disa ditë pasi Donald Trump humbi publikisht gjakftohtësinë ndaj sfiduesit të tij të mundshëm.
Lara këmbënguli gjatë gjithë kohës se kandidati më i denjë për të parin e Amerikës është Donald Trump.
”Ata e dinë se ai ka atë që duhet jo vetëm për të fituar Shtëpinë e Bardhë, por për të bërë gjëra të jashtëzakonshme për këtë vend”, u shpreh ajo.
