Ministri i Shëndetësisë, Rifat Latifi u ka bërë thirrje qytetarëve të Komunës së Prishtinës të vaksinohen kundër COVID-19.
Ai ka thënë se nuk ka tjetër zgidhje përveç vaksinimit kundër COVID-19, shkruan Gazeta Enigma.
Latifi i ka bërë këto thirrje me rastin e hapjes së pikës së re të vaksnimit kundër COVID-19 në sheshin “Zahir Pajaziti” në Prishtinë.
“Në këtë ditë kaq të bukur kur numri i rasteve po bie, mënyra më e mirë për t’iu përgjigjur COVID-19 është vaksinimi. Nëse sot, të gjithë ne këtu i bindim nga dy veta për t’u vaksinuar, numri i të vaksinuarve do të rritet ndjeshëm. Unë i lus të gjithë qytetarët, të gjithë ata qe nuk janë vaksinuar, që të vaksinohen me të dozën e parë, të dytën, por edhe me të tretën. Nuk kemi zgjidhje tjetër. Vetëm në këtë mënyrë ne e mbajmë qytetin hapur, qytetin e bukur të Prishtinës, i mbajmë restorantet, fushat sportive, të gjitha lokalet hapur, e mbajmë ekonominë hapur edhe jetën tonë e shkollat tona”, tha Ministri Latifi.
