Një aksident trafiku mes një mjeti transportues kamion dhe dy vetura ka ndodhur në rrugën rajonale tek vendi i quajtur Kroi i Mbretit afër Drenasit, raporton Gazeta Enigma.
Lajmin për Gazetën Enigma e ka konfirmuar zëdhënësi i Policisë së Kosovës, Baki Kelani, i cili bëri të ditur se tre persona kanë marrë lëndime.
“Sot në mesditë, në rrugën rajonale tek vendi i quajtur Kroi i Mbretit, është raportuar për një aksident trafiku, ku janë përfshirë një mjet transportues kamion dhe dy vetura.Bazuar në informatat e para tre persona kanë pësuar lëndime. Policia e Kosovës është duke u marrë me rastin”, tha Kelani.
