Kryetari i Nismës Socialdemokrate, Fatmir Limaj, e ka quajtur “Puç institucional” marrëveshjen sipas tij në mes të Lëvizjes Vetëvendosje dhe Partisë Demokratike të Kosovës në një kafene të kryeqytetit dhe kërkesën e tyre për ta shpërnda Kuvendin e Kosovës.
Limaj tha se dy parti nuk kanë të drejtë ta shpërndajnë Parlamentin dhe sipas tij nuk është Parlamenti përgjegjës për gjendjen në Kosovë, por Qeveria.
“Jo nuk kanë të drejtë, a e sheh që nuk mund dhe s’bëhet kjo kështu. Për atë po e them që duhet me qenë pjesë edhe partitë tjera politike se nuk mund ta bëjnë vet. Unë po e them çka është duke ndodh e për mua më teme është kjo që në një kafe të caktuar në qytetin e Prishtinës, dy njerëz janë mbledh dhe kanë marrë vendim, kanë bërë marrëveshje hajde të shkojmë e ta shpërndajmë Parlamentin. Ky është një puç institucional. Kush ka mandat me shpërnda Parlamentin me marrë vendim? Nuk kanë të drejtë ata me vendos me shpërnda Parlamentin, dy parti. Edhe tjera pse me shpërnda Parlamentin, nuk është Parlamenti përgjegjës për gjendjen në Kosovë, përgjegjëse është Qeveria e Kosovës”, u shpreh Limaj.
Ai madje shtoi se këto nuk janë zgjedhje të parakohshme sepse është në pyetje 1 ose 2 muaj kur presidentja e shtetit duhet t’i thërrasë partitë politike dhe të darkohen për datën e zgjedhjeve të rregullta.
“Çka po na thonë këta. Çfarë zgjedhje të parakohshme-jashtëzakonshme janë duke fol. I mbledh dy vetë, dy njerëz, jon shku me një kafe atje, me kalkulime të tyre, ata e dinë dhe kanë thënë a e din çka? Hajt po shkojmë në zgjedhje edhe i kanë llogaritur sigurisht votat e tyre”, tha Limaj.
Ndërsa i pyetur se ku ka qenë interesi i PDK-së në këtë takim mes Krasniqit-Kurti, Limaj tha se Kurti dikur i shante takimet jashtë institucioneve.
“Nuk e di. duhet me i pyete ata, unë veç po analizoj atë që po e shoh e që po më vjen keq më të thënë të drejtën. Ai që dikur i shante, zoti Kurti takimet jashtë institucioneve, shkoi dhe çka bënë, e dhanë të drejtën me shku atje me bisedu, me ia pre mandatin kujt? Atyre që i ka zgjedh populli? Kuvendit të Kosovës?. Dy njerëz. Po bisedojnë, po vendosin besa me shku e me çu vendin në zgjedhje me shpërnda Parlamentin”, ka thënë Limaj në Tëvë1.
