Kryetari i Nismas Socialdemokrate, Fatmir Limaj, tha se me t’u kryer zgjedhjet e ka takuar Kryetarin e Partisë Demokratike të Kosovës, Memli Krasniqin dhe se këtij të fundit i ka thënë “i ke tre votat e Nismës” për opsion të Qeverisë nga partitë ish-opozitare.
“Por, ky opsion nuk ndodhi. E ku e paskam zbehë unë opozitën?”, pyeti Limaj ndaj deklarimeve të AAK-së se i njëjti zbehu mundësinë e një partie nga ish-opozita.
“Memli Krasniqit i kam thënë i ke 3 votat e mia. Qeveri e opozitës bëhet veç përmes dy partive të mëdhaja, atëherë temë tjetër. E di që ka pas përpjekje. Por, s’ka ndodh. Tash ku është roli jonë që e paskemi zbehë opozitën? Kemi dalë me rezultat zhgënjyes”, tha ai.
