Pas pesë javësh, Papa Françesku është larguar nga spitali Gemelli të Romës
Ai u përball me pneumoni.
Pasi doli nga spitali, Papa Françesku përshëndeti turmën e mbledhur.
Në Vatikan, turma të mëdha njerëzish u mblodhën nëpër rrugë për të pritur 88-vjeçarin.
Të shtunën, mjekët njoftuan se Papa do të lirohej nga spitali, por që siç kanë thënë mjekët, atij i duhet të shmangë takimet me grupe të mëdha njerëzish dhe të mos i shkaktojë vetes lodhje, raportojnë mediat italiane, transmeton Gazeta Enigma.
Pas një kohe, mjekët thanë se Ati i Shenjtë mund t’iu rikthehet të gjitha aktiviteteve të tij normale.
Argjentinasi, i cili kur ishte i ri kishte hequr një pjesë të mushkërisë, ishte shtruar në spitalin Gemelli më 14 shkurt, për shkak se gjendja e tij me bronkit u përkeqësua.
Mjekët fillimisht e diagnostikuan me një infeksion të frymëmarrjes dhe më pas thanë se ai kishte pneumoni në dy mushkëritë. /Gazeta Enigma
