Një foshnjë e porsalindur e gjetur në fillim të këtij viti në Newham, në lindje të Londrës, është fëmija i tretë i braktisur nga të njëjtët prindër.
Testet e ADN-së të paraqitura në Gjykatën Familjare të Londrës Lindore vërtetuan se “Baby Elsa” është motra e dy foshnjave, një djali dhe një vajze, shkruan bbc, si të gjetur në rrethana shumë të ngjashme në 2017 dhe 2019.
Pavarësisht apeleve të Policisë Metropolitane, prindërit e tyre nuk janë identifikuar.
BBC-së dhe PA Medias, u dhanë leje të posaçme nga gjykata për të raportuar lidhjen e tyre – dhe se fëmijët janë me ngjyrë.
Gjykatësja Carol Atkinson tha se historia ishte me “interes të madh publik” pasi foshnjat braktisen shumë rrallë në Britaninë moderne.
Një ekspert i tha gjykatës se, sipas tij, gjetjet gjenetike ofruan një mbështetje jashtëzakonisht të fortë shkencore për pikëpamjen se Baby Elsa ishte “plotësisht një motër” e dy foshnjave të tjera.
Fëmijët më të mëdhenj janë birësuar dhe Baby Elsa mbetet në kujdestari.
Ajo u gjet nga një shëtitës qensh në janar në temperatura nën zero – nata më e ftohtë e vitit – e mbështjellë me një peshqir brenda një qeseje
