Situata e shkaktuar midis Rusisë dhe Ukrainës, ka nxitur shumë njerëz nga populli ukrainas, përfshirë këtu dhe ata nga bota e sportit dhe artit, të bashkohen me ushtrinë vendase për të mbrojtur shtetin e tyre.
Njëri prej tyre është dhe mbrojtësi i Shakhtarit, Viktor Kornienko, i cili është bashkuar me ushtrinë për të mbrojtur territoret e shtetit të tij nga pushtimi rus.
Me anë të një postimi në faqen e tij zyrtare në Instagram, Kornienko shkruan: “Ukraina do t’ia dalë. Lavdi Ukrainës”.
