Rreth 70 persona u vranë në një sulm në të vetmin spital funksional në qytetin e rrethuar të El Fasher në Sudan, tha të dielën shefi i Organizatës Botërore të Shëndetësisë, pjesë e një serie sulmesh që vijnë pasi lufta civile e kombit afrikan u përshkallëzua ditët e fundit.
Sulmi në këtë spital, për të cilin zyrtarët lokalë fajësuan Forcat e Mbështetjes së Shpejtë rebele, erdhi pasi grupi ka parë humbje të dukshme në fushën e betejës ndaj ushtrisë sudaneze dhe forcave aleate nën komandën e shefit të ushtrisë, gjeneral Abdel-Fattah Burhan, raporton Reuters.
Kjo përfshin paraqitjen e Burhanit pranë një rafinerie të djegur nafte në veri të Khartoum të shtunën, që forcat e tij thanë se e kishin marrë nga RSF-ja.
