Ish-ushtari i UÇK-së dhe aktivisti shqiptar në Amerikë, Uk Lushi, në një postim në Facebook ka thënë se Kosova është në të drejtën e saj të zbatojë rendin dhe ligjin.
Sipas tij, Shtetet e Bashkuara të Amerikës do të jenë me Kosovën.
“Jam 100% me policinë e Kosovës. Jam 100% me FSK-në. Jam 100% me shtetin e Kosovës. I gatshëm çdo moment të shërbej përsëri për popullin tonë. E drejta dhe shteti i Kosovës do të fitojnë mbi intrigat gjeopolitike dhe të keqen”, shkroi ai.
Lushi statusin e bëri pasi në Bruksel nuk u arrit marrëveshja për çështjen e targave mes Kosovës dhe Serbisë.
