Kryetarja e Forumit të gruas në LDK, Jehona Lushaku-Sadriu, ka reaguar pas njoftimit të ministres së Arsimit, që prindërit nga nesër mund të aplikojnë për subvencionimin për librat shkollor.
Lushaku-Sadriu ka thënë se 132.483 nxënës janë në shkolla fillore ku nga 80 euro subvencionim do të kushtojnë 10.598.640 euro, ndërsa 95.501 janë nxënës në shkollën e mesme të ulët, ku subvencionimi i tyre do të jetë nga 30 euro, që gjithsej bëjnë 2.865.030 euro.
Në fund ajo ka thënë se tash subvencioni a do të jetë ma lirë a ma shtrenjtë?
Postimi i plotë:
A MA LIRË A MA SHTRENJTË?
Në bazë të njoftimit që lansoi Ministrja Nagavci para pak minutash dhe bazuar në statistikat që MASHT ka të publikuara, mund të llogaritet kostoja e shpenzimeve për tekste shkollore:
1. Gjithsej nxënës në shkollën fillore: 132 483.
Kostoja e teksteve shkollore për nxënës 80 euro dhe gjithsej do të kushtojë: 10 598 640 Euro.
2. Gjithsej nxënës në shkollën e mesme të ultë janë: 95 501.
Kostoja e kompenzimi për materiale shkollore do të bëhet 30 Euro për nxënës dhe do të kushtojë: 2 865 030 Euro
Gjithsej nxënës: 227 984
Gjithsej kostoja e rimbursimit të teksteve shkollore: 13 463 670 Euro.
A po i kushtojkan tekstet shkollore buxhetit të Kosovës tani ma lirë a ma shtrenjtë?
13 Milion është shumë më shtrenjtë se 4 Milion sa ka paraparë për tekste MASHT. Dmth 9 Milion më shumë.
Uroj të kem gabuar.
