Kryeministri Edi Rama ka marrë urime për fitoren e Partisë Socialiste në zgjedhjet e 11 majit edhe nga presidenti francez Emmanuel Macron.
Në një postim në X, kreu i Elizesë e cilëson atë një mik të dashur dhe i shpreh mbështetjen e Francës në rrugën drejt BE-së, ndërsa u kujton se do të jetë në Tiranë në samitin e liderëve të BE-së që zhvillohet të premten.
“Urime Edi Rama, mik i dashur, për fitoren tënde në zgjedhjet parlamentare. Franca do të jetë gjithmonë në krah të Shqipërisë në rrugën e saj drejt Bashkimit Europian. Do të takohemi që të premten në Samitin e Komunitetit Politik Europian dhe për një vizitë që duhet të na lejojë të forcojmë edhe më shumë partneritetin tonë!”.
Urimi i presidenti francez vjen një ditë pas atyre të liderëve të tjerë europianë si kryeministri i Mbretërisë së Bashkuar Keir Starmer, kryeministrja italiane, Giorgia Meloni, kryeministri spanjoll, Pedro Sanchez, si edhe presidenti ukrainas, Volodymyr Zelensky.
