Malisheva ka vazhduar me fitore, teksa ka mposhtur Ferizajn në udhëtim me rezultat 0-2.
Pjesa e parë i ka takuar skuadrës vendase, që luajti më mirë dhe krijoi raste më shumë, por pa sukses.
Gjithsesi 45 minutat e para të kësaj sfide u mbyllën baras 0-0.
Me të nisur pjesa e dytë, Malisheva gjeti golin kur realizoi Etnik Brruti për 0-1 në minutën e 54-të.
Ferizaj u hodh e gjitha në sulm, derisa Malisheva gjeti golin e dytë në minutën e 79-të.
Ishte zëvendësuesi Elom Nya-Vedji që shfrytëzoi një gabim në mbrojtjen vendase duke shënuar për 0-2.
Me këtë fitore Malisheva ngritët në pozitën e pestë me 22 pikë, derisa Ferizaj mbetet e nënta me 15 sosh.
Ndeshjen e ardhshme Ferizaj e zhvillon në udhëtim te Prishtina, derisa Malisheva pret Drenicën.
