Boksieri shqiptar, Florian Marku u shpall kampion bote në IBF, në kategorinë Welterweight pak ditë më parë duke mposhtur boksierin ukrainas, Maxim Prodan.
Marku e fitoi përballjen me pikë, pasi të 10 raundet u mbyllën pa nokaut pavarësisht se shqiptari ishte më kërkues.
Marku u ftua nga Bashkia e Lushnjës nga kryetarja e Bashkisë, Eriselda Sefa, përgëzoi për sukseset e arritura.
Njoftimi i plotë i Bashkisë së Lushnjës:
Kryetarja e Bashkisë znj.Eriselda Sefa, ftoi në një vizit në ambientet e Bashkisë Lushnje kampionin e botës në versionin IBF Florian Markun, i cili në të gjitha intervistat e tij ka pohuar me krenari se është djalë nga Lushnja. Kryetarja e Bashkisë e përgëzoi për sukseset e arritura, duke i shprehur besimin se do të arrijë dhe fitore më të mëdha duke bërë krenarë të gjithë shqiptarët.
