Policioni e Stacionit ne Ferizaj, pas një informate të pranuar ka realizuar një kontrollë në rrugën “Agim Matoshi” në kete qytet pasi dyshohej se në një lokal ishte duke u zhvilluar lojë e ndaluar e bixhozit.
Gjatë bastisjes në këtë lokal janë hasur 10 persona duke luajtur bixhoz. Të gjithë personat janë legjitimuar dhe janë shoqëruar në stacionin policor të Ferizajt për intervistim.
Me vendim të prokurorit të Prokurorisë Themelore të Ferizajt, ndaj pronarit është iniciuar rasti penal ‘’ Organizimi i skemave piramidale dhe bixhozit të paligjshëm ‘’, ndërsa ndaj 10 personave janë shqiptuar edhe fletëparaqitje për mos respektim të orarit të lëvizjes pas orës 22:30, sipas vedimit të fundit të Qeverisë së RKS-së.
Me vedim të prokurorit të gjithë personat janë liruar dhe rasti shkon në procedurë të rregullt. Lidhur me këtë rast, si prova materiale janë konfiskuar: 156 qipa ( zhitona), 10 palë letra bixhozi dhe një sasi e parave.
