Sot, misioni paqeruajtës i NATO-s në Kosovë, KFOR ka festuar Ditën Ndërkombëtare në Kampin Film City në Prishtinë. Kjo ngjarje mblodhi së bashku personel civil dhe ushtarak nga 33 shtete pjesëmarrëse — përfshirë aleatët dhe partnerët e NATO-s — si dhe staf lokal dhe familjet e tyre.
Në njoftim thuhet edhe se, Dita Ndërkombëtare pasqyron angazhimin e vazhdueshëm të KFOR-it për përfshirje, unitet dhe respekt të ndërsjellë midis të gjithë komponentëve të tij — ushtarakë, civilë dhe staf lokal
Postimi i plotë:
Sot, misioni i udhëhequr nga NATO, KFOR, festoi Ditën Ndërkombëtare në selinë e KFOR-it në Kampin Film City, Prishtinë. Ngjarja mblodhi së bashku personel civil dhe ushtarak nga 33 shtete pjesëmarrëse — përfshirë aleatët dhe partnerët e NATO-s — si dhe staf lokal dhe familjet e tyre.
“Është një udhëtim që mund ta bësh pa hipur në avion — një udhëtim rreth botës që mund ta përjetojmë së bashku, këtu,” u shpreh Gjenerali Barduani gjatë fjalimit për pjesëmarrësit — “një ditë e gëzueshme ku shfaqim pasionin, kulturat dhe traditat e shumë kontingjenteve dhe vendeve që përbëjnë KFOR-in”.
Dita Ndërkombëtare pasqyron angazhimin e vazhdueshëm të KFOR-it për përfshirje, unitet dhe respekt të ndërsjellë midis të gjithë komponentëve të tij — ushtarakë, civilë dhe staf lokal — në përputhje me moton e KFOR-XXIX: Unitas Omnia Vincit — “Uniteti i kapërcen të gjitha”.
KFOR-i vazhdon të zbatojë mandatin e tij — bazuar në Rezolutën 1244 të Këshillit të Sigurimit të OKB-së nga viti 1999 — për të kontribuar në një ambient të sigurt dhe të qetë për të gjithë njerëzit dhe komunitetet që jetojnë në Kosovë dhe për lirinë e lëvizjes, në çdo kohë dhe në mënyrë të paanshme. KFOR-i bashkëpunon ngushtë me Policinë e Kosovës dhe Misionin e BE-së për Sundimin e Ligjit në Kosovë (EULEX), sipas roleve përkatëse të tyre si garantues të sigurisë.
