Sipas raportit të publikuar nga ASK në vitin 2024 kanë lindur më shumë djem se vajza në vendin tonë, raporton Gazeta “Enigma”.
Tutje Agjencia e Statistikave të Kosovës (ASK), përmes këtij raporti ka publikuar të dhënat vjetore për lindjet që kanë ndodhur në vitin e kaluar.
Theksohet se në vitin 2024 janë regjistruar gjithsej 31,717 lindje – brenda dhe jashtë Kosovës, ndërkaq prej kësaj shifre vetëm në Kosovë janë lindur 21,487 foshnje, nga të cilat 11,115 ishin djem (51,7%) dhe 10,372 ishin vajza (48,3%).
Burimi i të dhënave raportohet të jetë Agjencia e Regjistrit Civil të Kosovës, gjegjësisht Zyrat e Gjendjeve Civile.
