Policia e Kosovës e ka shpallur në kërkim Mefail Shkodrën, si i dyshuar për ngjarjen tragjike që ndodhi sot në Gjilan, raporton Gazeta “Enigma”.
Policia ka njoftuar tutje e ai ende është në arrati.
Gazeta “Enigma” ka raportuar se mesditën e sotme në qendër të Gjilanit ka pasur gjuajtje me armë, ku si pasojë tre persona kanë mbetur të vdekur.
Sipas burimeve të gazetës “fajdet” kanë qenë motivi i këtij rasti.
Kujtojmë se Shkodra është i njohur për autoritetet dhe veprimtarinë me të cilën është marrë. Ai vitin e kaluar ishte arrestuar për fajde.
