Pas raportimeve se kandidati i Lëvizjes Vetëvendosje për kryetar të Vushtrrisë, Sylejman Meholli, ka kërcënuar kandidatin e PDK-së, Ferit Idrizin, ka ardhur reagimi i Mehollit.
Në një postim, Meholli ka mohuar akuzat.
“Nuk ka shpifje që ndalon rrugën tonë drejt fitores!
Shpifjeve dhe trillimeve do t’u përgjigjemi me padi dhe procedura gjyqësore – sepse e vërteta është arma jonë më e fortë.
Viktimizimi dhe shpifjet e ulëta nuk kalojnë më.
Nuk frikësohem nga askush, e aq më pak nga ata që i ka frikësuar humbja!
Fitore plebishitare – asgjë më pak!”, ka shkruar ai.
