Portugalia e ka siguruar pjesëmarrjen në Kupën e Botës që mbahet në Katar në fund të këtij vitit.
Kombëtarja portugeze triumfoi 2-0 kundër Maqedonisë së Veriut në finalen e “Play-Off”-it, duke i dhënë fund ëndrrës së maqedonasve për ta shkruar historinë e tyre.
Heroi i portugezëve ishte mesfushori i Manchester United, Bruno Fernandes që ishte autor i dy golave.
Fernandes realizoi në minutat 32-të dhe 65-të për ta vulosur triumfin e madh. 27-vjeçari u ndihmua edhe nga Ronaldo e Jota që asistuan te golat e tij.
Vlen të përmendet se për Maqedoninë e Veriut u aktivizuan nga fillimi katër futbollistë shqiptarë. Bëhet fjalë për Alioskin, Musliun, Bardhin e Ademin.
Megjithatë, Maqedonia e Veriut do të mbahet men, për faktin se në gjysmëfinale e eliminoi kampionin e Evropës Italinë (0-1), në mes të Palermos.
