Organizatori i protestës “Jo në emrin tim” në Prishtinë, Çlirim Haziri, u ka bërë thirrje qytetarëve që sonte të marrin me vete edhe nga një çadër.
Thirrja e tij vjen pasi për sonte është paralajmëruar mot me shi, ndërsa protesta është planifikuar të mbahet në sheshin “Skënderbeu”, duke nisur nga ora 21:00.
“SONTE KA SHI. Merreni një çadër me vete dhe ejani. Sepse shiu mund ta lagë sheshin, por nuk e shuan zërin tonë. Sonte, edhe nën shi — bashkë për UÇK-në! 21:00 Sheshi ‘Skënderbeu’”, ka shkruar Haziri në Facebook.
Protesta “Jo në emrin tim” është paralajmëruar në shenjë kundërshtimi ndaj aktgjykimit të Gjykatës Speciale ndaj ish-krerëve të Ushtrisë Çlirimtare të Kosovës.
