President i Këshillit Evropian, Charles Michel, deklaroi se tashmë i ndjeri Alexei Navalny luftoi për vlerat e lirisë dhe demokracisë dhe se për idealet e tij ai bëri sakrificën e fundit.
Me anë të një postimi në llogarinë e tij në platformën X, Michel shprehet se BE-ja mban regjimin rus përgjegjës të vetëm për këtë vdekje tragjike.
“I shpreh ngushëllimet më të thella familjes së tij dhe atyre që luftojnë për demokraci në mbarë botën në kushtet më të errëta. Luftëtarët vdesin, por lufta për liri nuk mbaron kurrë”, shkroi tutje Michel.
