Milani është kampion i ri i Italisë. Skuadra kuqezi rikthehet në fron pas 11 vjet mungesë për ta udhëhequr edhe njëherë futbollin italian.
Skuadra kuqezi nuk ka lejuar asnjë befasi në ndeshjen e fundit të zhvilluar në Serie A, duke e mposhtur Sassuolon me rezultat 3:0 për ta fituar kështu garën ndaj rivalit më të madh të saj Interit, për ta fituar titullin kampion.
Edhe pse Milani ishte mysafir në ndeshjen e sotme, mbështetja për skuadrën ishte e jashtëzakonshme dhe pothuaj asgjë nuk i mungoi skuadrës së Milanit e cila me plot meritë e ka fituar titullin e kampionit.
