Ministri i Punëve të Jashtme të Italisë, Antonio Tajani, ka thënë se nuk dëshiron që sërish të bëhet luftë.
Kjo pas tensionimeve në veri dhe zhvillimeve të fundit rreth targave ilegale serbe.
Ai tha se qëllimi është që zgjidhja e problemeve mes Kosovës dhe Serbisë, nën mbikëqyrjen e Bashkimit Evropian.
Kryediplomati italian në konferencën e përbashkët me homologen e tij kosovare Donika Gërvalla, tha se po planifikojnë që ta organizojnë një takim në Romë, duke treguar edhe kështu dedikimin e Italisë ndaj rajonit të Ballkanit.
“Nuk dua që lufta të ndodh sërish. Të njëjtin fjalim e kam thënë edhe në Serbi. Që nga dita e parë, Kurtin që do ta takoj më vonë për t’i thënë se ne jemi të angazhuar për ta siguruar paqen. Punojmë së bashku. Të njëjtën gjë e kam thënë edhe në Serbi”, tha Tajani.
“Po mendojmë që ta organizojmë në Romë një ngjarje që do t’i dedikohet Ballkanit ku do t’i ftojmë përfaqësuesit e Ballkanit që të sjell rezultate të mira. Jam optimist dhe do të jem optimist. Ky është një sinjal i madh i Italisë për të zgjedhur problemet. Jemi vënë në dispozicion të Kosovës dhe Serbisë për të bërë gjithçka që është e mundur për të zgjidhur problemet. Jemi të gatshëm dhe të disponueshëm për të përforcuar zhvillimin konkret të marrëdhënieve ekonomike”, theksoi ai.
“Jam optimist që në këtë rajon të kthehet prosperiteti, rritja ekonomike dhe të ketë paqe. Kjo vizitë s’është e rastësishme. Dua të që ky të jetë një mesazh për t’iu thënë se ne jemi këtu për ju, jemi në dispozicionin tuaj që mund të kontribuojmë në zgjidhjen e problemeve. Jemi këtu për të gjetur një zgjedhje”, shtoi kryediplomati italian.
Ai kërkoi rezultate të mira nga dialogu Kosovë-Serbi, ndërsa njoftoi se do t’i ftojnë për takim përfaqësuesit e vendeve të Ballkanit Perëndimor.
