Sulmet mes Izraelit dhe Hezbollahut të mbështetur nga Irani në jug të Libanit po vazhdojnë ende, pavarësisht zgjatjes së armëpushimit prej 45 ditësh.
Ministri i Ekonomisë i Libanit ka bërë të ditur se vendi vlerësohet të ketë pësuar humbje të mëdha ekonomike si pasojë e sulmeve izraelite, duke përfshirë ndikim në punësim, bujqësi, industri dhe turizëm.
“Ndikimi ka qenë mjaft i madh,” ka deklaruar Amer Bisat.
“Ne i shohim ato si sfida të shumta. Një sfidë është vetë ndikimi ekonomik, njerëzit po humbasin vendet e punës, fermat nuk po prodhojnë, kompanitë prodhuese po mbyllen dhe turistët nuk po vijnë. Ky ndikim është shumë i madh. Ne vlerësojmë se gjatë luftës kemi humbur rreth 2 miliardë dollarë. Kjo është afërsisht 7% e PBB-së,” ka thënë ai.
Izraeli ka kryer sulme në jug të Libanit gjatë gjithë periudhës së luftës, duke e konsideruar atë zonë si bastion të Hezbollahut.
