Mediat në Maqedoninë e Veriut të enjten raportuan se Ministria e Drejtësisë së këtij vendi ia ka refuzuar kërkesën Ministrisë së Drejtësisë së Kosovës për vizitën e të burgosurve në rastin “Lagjja e Trimave”.
Mirëpo, në një përgjigje për Klankosova.tv nga Ministria e Drejtësisë në Kosovë kanë thënë se nuk kanë marrë përgjigje zyrtare ende për këtë kërkesë.
Në mediat maqedonase u tha se sipas qëndrimit zyrtar të dikasterit vendas të Drejtësisë, “kërkesa refuzohet në përputhje me Ligjin për zbatimin e sanksioneve”. Të njëjtit i lejohet vizita e burgut të Idrizovës por jo edhe e të burgosurve./Gazeta Enigma/
