Ministria e Financave, Punës dhe Transfereve, së fundmi ka publikuar një njoftim rreth administrimit të pagesave për përfituesit e skemave pensionale dhe sociale, shkruan GazetaEnigma.
Sipas Ministrisë së Financave, datat për pagesa janë si në vijim:
Pensionet e rregullta: data e 15 e çdo muaji;
Pensionet e veteranëve: data e 20 e çdo muaji;
Skemat sociale: data 30 e çdo muaji;
Shtesat për fëmijë: data 25 e çdo muaji;
Shtesat për lehona: data 25 e çdo muaji.
“Aplikimi për Shtesa për Fëmijë e Lehona do të jetë i hapur nga data 1 – 10, ashtu që pagesat çdo muaj të ekzekutohen në datën e paraparë” thuhet në njoftim.
Tutje, Ministria bën me dije gjithashtu se pensionet për veteranë do të ekzekutohen ndryshe nga pensionet e rregullta për shkak të verifikimit të statusit të punësimit me Administratën Tatimore të Kosovës.
“Qytetarët duhet të kenë parasysh se nëse data e paraparë sipas këtij udhëzuesi është ditë vikendi apo pushimi zyrtar, pagesat do të ekzekutohen në ditën vijuese të punës” përfundon njoftimi. / GazetaEnigma
